国产零零漆经典对白

      某女甲:你虽然系咁出色,始终行有行规,无论典(点)你都要找埋寻晚嗰条过夜数,叫鸡唔使畀钱呀?

  凌凌漆:我重估我哋嘅交往系建筑喺感情之上,估唔到,原来都系一盘生意。

  某女甲:讲感情都要畀钱架。

  

  凌凌漆:点啊,玫瑰?瑰,十年冇见都重系咁靓。

  杜鹃:我唔系十年前嘅玫瑰呀,她喺上年过咗身喇,我系佢个女杜鹃。

  凌凌漆:(惊讶地)咁大个女喇?嚟,畀叔抱吓先!

  

  凌凌漆:好,叔叔好快返嚟。

  

  凌凌漆:等咗十年,我重以为国家经已忘记咗我添。

  司令:点会呢?就算系一张厕纸,一条底裤,都有佢本身嘅用处加嘛。

  凌凌漆:呢个比喻真系一流!我已做好准备,接受任何工作。

  

  凌凌漆:噉有冇睇猪罗公园?

  司令:冇。侏罗纪就睇过。

  凌凌漆:啱,系侏罗纪。暴龙究竟系鬼鬼崇崇走嚟走去嗰条定还是"哈—哈"嗰条呢?

  

  凌凌漆:咦,嗰条好冇人性,专追啲细蚊仔嚟咬个噃?

  司令:唔会,肯定中国呢条唔会。

  

  闻西:呢张系超级间谍凳,系畀人坐喺度长时间监视敌人用嘅,(指住警卫)我问你怕未?

  (警卫扭转个头)

  闻西:嗱,怕咧,系咪呀!

  凌凌漆:呢个发明都几劲。

  

  

  闻西:(一路行一路讲)阿漆,呢十年你一直做猪肉佬呀?

  凌凌漆:应该话系一个唏嘘嘅猪肉佬。

  闻西:我何尝唔系一个坎坷嘅卖菜仔呢?

  

  司令:(普通话)好!有道是养兵千日,就用在一时。

  偷盗嗰个人嘅身份系相当嘅神秘,嗯,我哋净系知道佢用嘅系一支无坚不摧嘅金枪,同埋身上着有一副刀枪不入嘅盔甲。

  

  司令:

  重有,金枪人嘅身份系极之其神秘嘅,而且心狠手辣,你随时会有生命危险。凌凌漆,你重有咩问题?

  凌凌漆:可唔可以唔去?

  司令:唔得!!

  听日一早你就要出发,到咗香港之后,就有人同你接头。

  

  司令(攞出一沓钱,抽出最底两张大嘅):呢个系我私人赞助你嘅二百文,好好地买番件衫先去香港,唔好丢我哋国家嘅面。

  

  凌凌漆:系啊,yes,well,我经已book咗房。

  酒店服务员:请问贵姓呢?

  凌凌漆:My name is 凌凌漆。

  (一个鬼妹经过,想凌凌漆打招呼,漆回以挑逗眼神)

  酒店服务员:唔好意思啊,冇你个名喎。

  凌凌漆:咩话?有噉嘅事?(从袋里面攞出一张地址递畀服务员)请你查真啲吖。

  酒店服务员:哦,对唔住啊,你book嘅唔系丽晶酒店,你book嘅系丽晶大宾馆。

  

  某人甲:先生,呢个痰系唔系你吐架?

  凌凌漆:系啊系啊,冇错,点呢?有咩问题呢?

  某人甲:哦,冇冇冇,得个知字啫。

  

  (凌凌漆喺外面,试图打开厕所门,开门后凌凌漆企喺门边身着一条底裤再披一件寿袍,口里含住烟斗,手里转住两个健身球)

  凌凌漆:你冇嘢吖嘛,你?

  阿琴:咩事?

  凌凌漆:冇,我见你闩埋度门喺度咁耐,我敲极门又冇人应先斗胆撞门入嚟睇吓啫。(走入冲凉房)咦,冲紧凉啊?

  阿琴:系,我冇事,唔该闩番度门。

  凌凌漆:嗯(从里面将门关上)真系估唔到今日会发生件噉嘅事。

  阿琴:我系叫你返出去,然后同我闩番度门。

  凌凌漆:Oh, yes, well, I am sorry…

  阿琴:出去呀————————————

  (凌凌漆出门,阿琴到门边,凌凌漆又入嚟)

  阿琴:你想点啊?

  凌凌漆:做唔做啊?

  

  

  凌凌漆:冇,呢招叫做转移视线分心大法。

  阿琴:这招分明叫老汉推车,你唔好当我唔识嘢喎。

  凌凌漆:我系讲紧我呢个方法,系古代神医华佗所用嘅麻醉大法。古时有关云长全神贯注捉象棋刮骨疗毒,今日有我凌凌漆聚精会神睇咸带凿骨攞弹头,开始——(见阿琴 望住电视机发呆)迟啲先睇吖!

  阿琴:哦。

  (咸带里面发出鬼妹叫床声,阿琴一路帮凌凌漆凿骨)

  凌凌漆:噢——,嗯——

  

  凌凌漆:好啊。(执起枪,举枪将阿琴身后嘅碟打碎)咁近都射唔中,唉,枪法真咂苲。(拾掇行李)冇办法,唉,(从录像机攞埋饼咸带出嚟)打打杀杀唔好烦我,我睇咸带好过。( 点烟,着衫走人,出门临别一句)当我冇见过你啦。

  

  警卫(开门后对凌凌漆):呢便吖。

  李力持:望咩啊?过嚟吖!等紧你啊!

  凌凌漆:呢个时候打靶都有嘅?唉,运路行吖。

  警卫:唔使喇,到喇。

  (凌凌漆被强行戴上手铐)

  警卫(掹出凌凌漆把刀):都几重手喎。

  凌凌漆:喂!做咩事啊?做咩事啊?

  警卫:冇嘢冇嘢!

  凌凌漆:,冇嘢你都讲得出口嘅?喂宜家我有嘢喎(警卫用绳绑起阿七)喂!

  警卫:咪喐啊。

  凌凌漆:喂你有咩讲清楚好喎。

  警卫:得架喇。

  刑长:凌凌漆,亲自签字承认走私贩卖国宝,罪无可恕,无需审判,即是枪决!

  (漆想逃走,被鸣枪警告)

  警卫:返埋去!

  凌凌漆:嗱咪住先啊嗱,我冤枉架……

  

  司令:你唔系拉咗去打靶嘅咩?

  凌凌漆:讲起火都嚟添啊,你累我唔见咗一嚿水。(回忆用一百文收买行刑官兵嘅镜头……)

  

  买菜北姑:喂,猪肉佬啊,畀五文猪肉嚟吖。

  凌凌漆(从下面伸个头出嚟,一路嗍气一路讲):喂,唔做生意住喇,个零钟头之后再嚟过啦。

  买菜北姑:你得唔得啊?睇你咪最多三分钟,猪肉佬。

  凌凌漆:三个钟未必得啦。

  阿琴(都从下面伸个头出嚟):漆啊,不如返屋企先搞吖。

  凌凌漆:费事两头行啦,况且呢度环境好啲。(对北姑)去!去!

  凌凌漆:家下搞紧儿女私情,国家大事啲湿碎嘢借歪先啦 
Advertisements
此条目发表在未分类分类目录。将固定链接加入收藏夹。

One Response to 国产零零漆经典对白

  1. cynthia说道:

    与以往风格不同……

发表评论

Fill in your details below or click an icon to log in:

WordPress.com Logo

You are commenting using your WordPress.com account. Log Out / 更改 )

Twitter picture

You are commenting using your Twitter account. Log Out / 更改 )

Facebook photo

You are commenting using your Facebook account. Log Out / 更改 )

Google+ photo

You are commenting using your Google+ account. Log Out / 更改 )

Connecting to %s